ఫ్లైదుబాయ్ పైలట్తో ప్రధాని మోదీ సంభాషణ: ధైర్యాన్ని ప్రశంసించిన మోదీ

దుబాయ్ నుంచి టెల్ అవీవ్కు వెళ్తున్న ఫ్లైదుబాయ్ విమానం ఎఫ్జెడ్1073లో బుధవారం ఈ ఘటన చోటుచేసుకుంది. విమానం ప్రయాణిస్తున్న సమయంలో సహ పైలట్ స్మిత్పై దాడి చేయడంతో ఆయన తీవ్రంగా గాయపడ్డారు. విమానం అకస్మాత్తుగా భారీగా కిందకు దిగుతున్న సమయంలోనూ స్మిత్ కాక్పిట్ తలుపు తెరవగలిగారు.

దీంతో ప్రయాణికులు, సిబ్బంది కాక్పిట్లోకి చేరుకుని, దాడి చేసిన వ్యక్తిని అదుపులోకి తీసుకున్నారు. అనంతరం విమానం సౌదీ అరేబియాలోని తబూక్లో అత్యవసరంగా ల్యాండ్ అయింది. విమానంలో 174 మంది ప్రయాణికులు ఉన్నట్లు పలు నివేదికలు పేర్కొన్నాయి.

ప్రధాని మోదీతో జరిగిన సంభాషణలో స్మిత్ తనకు ఎదురైన పరిస్థితిని వివరించారు. తాను 17 ఏళ్లుగా విమానాలు నడుపుతున్నానని, గత 11 ఏళ్లుగా కెప్టెన్గా పనిచేస్తున్నానని తెలిపారు. తీవ్రంగా గాయపడి నేలపై పడిపోయినప్పటికీ, విమానం పరిస్థితిని గుర్తించి కాక్పిట్ తలుపు తెరవాలని నిర్ణయించుకున్నట్లు చెప్పారు.

తాను బతకడం కోసం పోరాడుతూనే, ఇతర ప్రయాణికుల ప్రాణాలకు కూడా ప్రమాదం జరగకూడదని భావించినట్లు వివరించారు. కష్ట సమయంలో తనకు ధైర్యం ఇచ్చింది హనుమాన్ చాలీసా పఠనమేనని స్మిత్ మోదీకి తెలిపారు. నొప్పి, ఒత్తిడి ఎదురైనప్పుడు హనుమాన్ చాలీసా చదవడం తనకు అలవాటని, ఘటన సమయంలోనూ దానిని పఠించానని తెలిపారు.

ఈ సందర్భంగా, మోదీ స్మిత్ కుటుంబ సభ్యులతో తాను గతంలో మాట్లాడిన విషయాన్ని కూడా ప్రస్తావించారు. స్మిత్ ధైర్యం, సమయస్ఫూర్తి వల్ల ఎంతోమంది ప్రాణాలు రక్షించబడ్డాయని మోదీ పేర్కొంటూ, ఆయన త్వరగా కోలుకోవాలని ఆకాంక్షించారు.

ప్రస్తుతం స్మిత్కు యూఏఈలో వైద్య చికిత్స కొనసాగుతోంది.

ప్రధాని నరేంద్ర మోదీ ఫ్లైదుబాయ్ విమానంలో సహ పైలట్ దాడిలో గాయపడిన కెప్టెన్ స్మిత్ మచ్చార్తో వీడియో కాల్లో మాట్లాడి, ఆయన ధైర్యాన్ని, సమయస్ఫూర్తిని అభినందించారు. యూఏఈలోని ఆసుపత్రిలో చికిత్స పొందుతున్న స్మిత్ ఆరోగ్య పరిస్థితిని మోదీ అడిగి తెలుసుకున్నారు. కష్ట సమయంలో హనుమాన్ చాలీసా తనకు ధైర్యాన్నిచ్చిందని స్మిత్ తెలిపారు.